أفضل مطاعم شعبية في مصر

مين في مصر لا يحب اكلات شعبية، ولا حتى مين فينا بيخرج خروجه ومش بياكل فيها بس احنا نهادره عايزين نكلم على نوع معين من الاكل ونوع خاص جدا ومحبب لمعظم المصريين وطبعا ونوع طعام محبب لقلبي ومعدتي وهو اكلات شعبية  احنا نهادره هنقول لكم ايه هي افضل المطاعم الشعبيه في مصر

 


 1. مطعم كبدة البرنس

افضل مطاعم القاهرة

اول مطعم شعبي هنكلم عنه في المقال ده  وبيقدم اكلات شعبية هو كبدة البرنس , والبرنس من اشهر المطاعم الشعبية في مصر والمكان ديما زحمة من كثرة الطلب عليه وبيقدم المطعم العديد من الاكلات الشعبية مثل

 كبدة مشكل بالصوص - كبدة جملي مشكل بالصوص - سجق محمر - الجريل - كبدة جريل - كبدة جملي جريل - سجق جريل - مخاصي جريل - سندوتشات - موزة ضاني – أنواع  عديده من طواجن, والمطعم موجود في منطقه شعبيه "امبابة"

 نصيحة اناعايز.كوم

 احنا بننصحك تجرب الكبده طبعا بانواعها ان كانت كبده جملي او جريل او محمره وسحق عظيم طبعا والطواجن ولا أروع وخصوصا الملوخيه لمعرفة العنوان بالتفاصيل ومواعيد هتكون موجوده هنا كبدة البرنس


2. مطعم صبحي كابر

افضل مطاعم القاهرة

من المطاعم الي لازم نذكرها لما نقول مطاعم شعبيه هو مطعم صبحي كابر ,مطعم صبحي كابر من اهم واشهر المطاعم الشعبيه في مصر وعشان تعرف تاكل فيه لازم تتعذب عشان هتلاقي المصريين كلهم هناك منتظرين يدخلوا يأكلوا, المحل من كتر الشعبية العظيمة من المستحيل تذهب عنده وتلاقيه مش زحمه

صبحي كابر بيقدم تقريبا أي اكله شعبية ممكن تكون موجوده هو بيقدم كل أنواع المشويات ( ريش – نيفه – كباب – كفته – استيك – فراخ و غيرها ) ده غير انه بيقدم كبده و ورقة لحمه ولحمه باليه العظيمه وبيقدم الحمام المحشي والمشوي و طواجن بانواعها وسلطات عنده مجانا 

نصيحة انا عايز.كوم

 احنا بننصحك انك تجرب المشويات كلها بجد عظيمة وخاصة الريش , ولحمه وكبدة بالية جميلة جدا , وافضل طاجن فريك ممكن تتذوقة هيكون ولو هتخسر كتير جدا لو لم تتطلب الملوخية, صبحي كابر موجود في منطقة شعبية اسمها روض الفرج لو عايز تفاصيل اكتر عن عنوان ومواعيد من هنا صبحي كابر


3. مطعم الرفاعي

افضل مطاعم القاهرة

 الرفاعي من اقدم واشهر المطاعم الشعبية في مصر وبالرغم انه مطعم شعبي وفي منطقة شعبية بس تقريبا كل نجوم الفن وسياسيين و علماء ذهبوا اليه, المطعم بقدم كل أنواع المأكولات المشوية ( ريش – كباب – طرب – كفته – موزه – نيفه – فراخ –استيك )

اول حاجه ستجذب نظرك عند دخول المحل اني الحاج رفاعي صاحب المحل معلق صوره مع كل زواره من نجوم الفن و كبار المجتمع من سياسيين وعلماء من أيام الثمانينات الى يومنا هذا

 نصيحة انا عايز.كوم 

احنا بننصحك انك تجرب كل حاجه عند الحاج رفاعي لا يوجد اكله طعمها مش هيعجبك مطعم الرفاعي موجود في اقدم منطقة شعبية في مصر وهيا السيدة زينب لو عايز تفاصيل اكتر عن عنوان ومواعيد من هنا الرفاعي


4. طواجن بيبو

افضل مطاعم القاهرة

 مطعم بيبو مطعم شعبي متخصص في الطواجن بانواعها ( عكاوي – فريك بالحمه – بطاطس –تورلي –بامية – ملوخية وغيرها )

نصيحة انا عايز.كوم 

احنا بنصحك أنك تجرب طاجن الفريك وطاجن البصل وطاجن العكاوي وورقة لحمه اكثر من روعها 

مطعم بيبو موجود في أقدم منطقة شعبية في مصر وهيا شبرا لو عايز تفاصيل اكتر عن عنوان ومواعيد من هنا  مطعم بيبو


5.مطعم بحة "الأصلي"

افضل مطاعم القاهرة
مطعم بحه من اقدم المطاعم الشعبية وبقدم نوع معين من اكلات شعبية ليها عشاقها من المصريين وغير المصريين وهي فواكة اللحوم مثل الكلاوي والفشه والممبار والطحال مشوي او مقلي وده غير لحمة الراس ولسان وجواهر "العيون"  والاسعار هناك في حدود المعقول والمطعم مكانه في اقدم مناطق الشعبية في مصر وهي السيده زينب وليس له فروع أخرى ولازم تتاكد انك في مطعم بحه الأصلي


وبذلك موقع انا عايز.كوم قدم لكم أفضل واشهر مطاعم شعبيه في مصر طبعا من وجهة نظرنا المتواضعة وطبعا يوجد مطاعم شعبية كثيره تستحق التقدير